آذربایجان تارینین آدلیم اوستادی آغاسلیم عبدالله اوف ، حاجی موللا تقی گرمرودی نین نوه سی دیر.

حاجی موللا تقی گرمرودی، عبدالله اوغلو ، 120 ایل اؤنجه نجف دن باکی یا گئدیر. حاج موللا تقی گرمرودی، میانانین "ترک" ینده آنادان اولموش حوزه درسلرین اوخوماق ایچین نجف شهرینه گئتمیش و نئچه ایل سونرا امام رضا (ع) نین حرمینین زیارتی ایچین نجف دن مشهده ساری یولا دوشور. او زامانلار نجف دن مشهده گئتمک ایچین بیر یول دا خزر دنیزینین آلتیندان علاوه ، اونون اوست طرفلری ایدی. نه یه کی یولدا بیر اؤلکه دن او اؤلکه یه تجارت له گئدرمیشلر و سفر هزینه لری ده چیخارمیش. یاخود بو یولدا نئچه اؤلکه لری و بؤلکه لری ده گؤررمیشلر. آنجاق موللا تقی نجف دن یولا دوشوب ایران ـ آذربایجان ـ ترکمنستان یولو ایله ایستیر مشهده زیارت ایچین گئتسین آمما نارداران دا مرضلیک اونا آمان وئرمیر و اورادا دیری اولارکن قالیر. او ، نارداران کندینین مسجیدینده نئچه ایللر مردمو ارشاد ائدیر. حاجی موللا تقی گرمرودی 1925 ده دونیادان گؤز اؤرتور و اونون مقبره سی بیر زیارتگاها چئوریلیر. ایندیسه اونون مقبره سی نارداران دا امام رضا (ع) نین باجیسی ، رحیمه خانیمین مقبره سینین یانیندا دیر.

آغا سلیم عبدالله اوف ، حاج موللا تقی نین نوه سی ،1950 ده باکی شهرینین بینه کندینده دونیایا گؤز گؤستردی.

اورتا مکتبی 11 ایلجه باکی دا بیتیردی. 5 ایل موسیقی مکتبینده ، 4 ایل آصف زیناللی تکنیکومو و 5 ایل ده اوزه ییر حاجی بی اوف آدیندا آذربایجان دئولت کونسرواتوریاسینی ایشله دی.

اونون آدلیم معلم لریندن دئمک اولار: حاجی ممدوف ، سید رستموف ، کامیل احمدوف.

آغا سلیمین افتخارلاریندان سایماق اولار : آذربایجان رس. خالق آرتیستی (هنرمند ملی خلق جمهوری آذربایجان) ، آذربایجان میللی کونسرواتوریاسینین دوسنتی (دانشیاری) ، آذربایجانین آصف زیناللی آدیندا موسیقی کالجینده معلم.

دئمک اولار هئچ آدلیم اوخوجو یوخ کی آغاسلیم اونو تار ایله مشایعت ائتمسین. نئچه سینی آد وئرمک اولار: حاجی بابا حسین اوف ، یعقوب ممدوف ، ربابه موراد اوا ، سارا گدیمووا ، آغاخان عبدالله اوف ، عالیم قاسیموف.

آغاسلیم خئیلی اؤلکه لرده کانسرتی قورولموش کی اد آپارماق اولار: آمریکا ، کانادا ، فرانسا ، انگیلیس ، ایسلند ، سوئد ، سوئیس ، آلمانیا ، تورکیه ، دانمارک ، هلند ، ایران ، عربستان.

ایضاح : یولداشیم محمدرضا مختاری دن ان درین دویغولارلا تشکر ائدیرم کی باکی دا بو اوستادلا گؤروش ائدیب و بو بیلگی لری منه یئتیردیلر.